गृहपृष्ठ इरानद्वारा कब्जामा लिएका नौ भारतीय रिहा

इरानद्वारा कब्जामा लिएका नौ भारतीय रिहा

indian-free-iran-newskarobar

इरानले जुलाई १४ मा पानामाको ध्वजावाहक तेल ट्यांकरलाई कब्जामा लिँदा नियन्त्रणमा लिएका १२ भारतीय नागरिकमध्ये ९ जनालाई रिहा गरेको भारतीय विदेश मन्त्रालयले जनाएको छ । इरानले तेल बोक्ने उक्त पानीजहाज (एमटी रिआ) लाई गैरकानुनी रूपमा बेचेको पेट्रोलियम पदार्थको तस्करी गरेको आरोपसहित कब्जामा लिएको थियो ।

इरानी सरकार, अमेरिका र बेलायतबीच आणविक सम्झौताबाट फर्कने र इरानलाई नयाँ नाकावन्दी लगाउने घोषणा उग्ररूप लिँदा र हर्मुज घाँटी भएर तेल लान यो वा त्यो कारण देखाई समस्या उत्पन्न गर्दै आएको सम्बद्ध मुलुकहरूले जनाएका छन् । तर ती मुलुकका जहाजमा चालक दलका सदस्यका रूपमा काम गर्ने अन्य विदेशी नागरिक पनि इरानको कारबाहीमा पर्ने गरेका छन् ।

यो रिहाईसँगै अब इरानको कब्जामा २१ अन्य भारतीय रहेका छन् । इरानले एमटी रिआका अन्य तीनसहित बेलायती ध्वजावहाक सामान बोक्ने जहाज स्टेना इम्पेरोमा कार्यरत १८ भारतीयलाई पनि केही हप्ता पहिले कब्जामा लिएको थियो ।

प्रकाशित समय १६:५९ बजे

प्रतिक्रिया दिनुहोस्

सम्बन्धित शीर्षकहरु