राष्ट्रपति निकोलस मदुरोले भनेजुयलाको लिसवनस्थित राज्य सञ्चालित प्राकृतिक तेल तथा ग्यास कम्पनी (पिडिभीएसए) को अफिसलाई मस्कोमा सार्न निर्देशन गरिसकेको उपराष्ट्रपति देल्सी रोद्रिगेजले बताएका छन् ।

रूस भ्रमणमा रहेका उपराष्ट्रपति रोद्रिगेजले भने, ‘भेनेजुयलाले तेल तथा ग्यास उत्पादनलाई बढाउने र यसका लागि रूसी विशाल तेल उत्पादन कम्पनी गाजप्रोमसँग सहकार्य गरिनेछ ।’ यसका लागि आवश्यक प्रक्रिया सुरू गर्न लागिएको उनको दावी छ ।

रोद्रिगेजले रूसी विदेशमन्त्री सेर्गेई लाभरोभसँगको भेटपछि सञ्चारकर्मीसँगको कुराकानीमा भने, ‘अहिले तेल कम्पनी सार्ने समय भएको छ । हामीले हाम्रो सम्बन्धलाई पुनः स्थापित गरेर अघि बढ्ने समय आएको छ । युरोपले हामीलाई आवश्यकतालाई सुनिश्चित गर्न सकेन किनकि पूँजीवादी संसारले उसको आफ्नै कानूनलाई पनि तोडेको छ । उनीहरूले हाम्रो सम्पत्तीको सुरक्षामाथि सुनिश्चितता गर्न सकेनन् ।’

उनले भने, ‘बेलायतले बैंक अफ इंगल्यन्डमा रहेको भेनेजुयलाको सुन र संयुक्त राज्य अमेरिकाले पिडिभीएसएको अमेरिकास्थित शाखा सिट्गो पेट्रोलियमको सम्पत्तीको ‘व्यवहारिक चोरी’ गरेको छ ।

भेनेजुयलाले कानूनसम्मत हिसाबबाट पाउने ब्याजलाई अन्तर्राष्ट्रिय कानुननको सहायतामा फिर्ता गरिछाड्ने पनि उनले बताए । (रासस/सिन्ह्वा)

प्रकाशित समय १९:३६ बजे