जिल्ला अदालत पर्वतले छात्रामाथि यौन दुर्व्यवहार गरेको आरोपमा पक्राउ परेका प्रधानाध्यापकलाई पाँच वर्षको जेल सजाय तोकेको छ ।

पर्वतको फलेवास नगरपालिका-६ देविस्थानस्थित माझीगाउँ प्राथमिक विद्यालयका प्रधानाध्यापक खिलप्रसाद पौडेललाई जिल्ला अदालत पर्वतले छात्रामाथि यौन दुर्व्यवहार गरेको आरोपमा न्यायाधीश सूर्यबहादुर थापाको इजलासले पाँच वर्षको जेल सजाय तोकेको हो ।

प्रधानाध्यापक पौडेलमाथि सात वर्षका २, १० वर्षका एक र १२ वर्षीय एक गरी चार बालिकामाथि यौन दुर्व्यवहार गरेको आरोप लागेको छ । जिल्ला प्रहरी कार्यालय पर्वतले प्रधानाध्यापक पौडेललाई गत साउनमा यौन हिंसा गरेको आरोपमा पक्राउ गरेको थियो ।

प्रकाशित समय १३:५९ बजे