काठमाडौंको बसुन्धारास्थित वैदेशिक रोजगार व्यवसायी संघका अध्यक्ष रोहण गुरुङको घरमा शुक्रबार राति बिस्फोट भएको छ ।

गुरुङको घरमा पार्किङ गरिराखिएको गाडीमा विस्फोट भएको हो । विस्फोटपछिको लागेको आगोमा परि दुई जना घाइते भएको महानगरीय प्रहरी वृत्त महाराजगन्जले जानकारी दिएको छ ।

घाइतेहरुलाई चिरायु अस्पताल उपचार भइरहेको छ । वृत्तका अनुसार ठूलो विस्फोटको आवाजपछि मुस्लो देखेर प्रहरी घटनास्थलमा पुगेर आगलागी नियन्त्रणमा लिएको थियो । आगो निभाउन दुई दमकल, प्रहरी र स्थानीयबासी जुटेका थिए ।

घटनाको अनुसन्धान भइरहेको प्रहरीले जनाएको छ ।

प्रकाशित समय ०६:४८ बजे