होलीमा मटका फुटाउने बिषयमा भएको झडप नियन्त्रण गर्न रौतहटमा प्रहरीले तीन राउण्ड हवाई फायर गरेको छ । झडपमा परेर करिब एक दर्जन घाइते भएका छन् । रौतहटको गुजरा नगरपालिका ९ मा मटका फुटाउने बिषयमा स्थानीय युवाबीच झडप भएको जिल्ला प्रहरी कार्यालयले जनाएको छ ।

सिमार भवानीपुर बजारमा भएको झडपमा आशिष चौधरी, निरज चौधरी, दिपक चौधरी, शिवजी साह, रामएकवाल साह, सोनालाल सहनी घाइते भएका छन् । घाइतेको चन्द्रपुर अस्पतालमा उपचार भइरहेको छ । प्रहरीले अर्जुन चौधरी, सुकेश्वर चौधरी, पप्पु चौधरी र दिपेश चौधरीलाई पक्राउ गरेको स्थानीयले बताएका छन् । झडप नियन्त्रणका लागि सुरक्षाकर्मी परिचालन भएको इलाका प्रहरी कार्यालय चन्द्रपुरका प्रहरी निरीक्षक सन्तोष पाठकले बताए ।

प्रकाशित समय १९:५० बजे