लायन्स क्लव अफ बुटवल स्टार्सले लुम्बिनी प्रादेशिक अस्पताल बुटवललाई २५ लाख रुपैयाँ बराबरको विभिन्न ल्याब्रोटरी उपकरण प्रदान गरेको छ ।
बुटवलमा सोमबार एक कार्यक्रमको आयोजना गरी प्रदेश नम्बर ५ का सामाजिक विकास मन्त्री सुर्दशन बराल, लायन्स क्लब अफ बुटवल स्टार्सका अध्यक्ष एमजेएफ लायन एमएल् पाण्डेले अस्पतालका मेडिकल सुपरिटेन्डेन्ट डा. कृष्णप्रसाद खनाललाई उक्त उपकरण हस्तान्तरण गरेका हुन् ।
मिस्पा सीसी एक्स एल, मिस्पा क्लव क्रम प्लस, हेमाटोलोजी एनलाईजर नामका उपकरणहरु क्लवले प्रदान गरेको हो । साथै सोही उपकरण सञ्चालनका लागि क्लवले थप अनलाईन युपिएससमेत प्रदान गरेको छ ।
लायन्स क्लवले यसभन्दा पहिला पनि लुम्बिनी प्रादेशिक अस्पताललाई ३ लाख ५० हजार रुपैयाँ बराबरको सुगर सम्बन्धी चेकजाँच गर्ने ल्यब्रोटोरी मेसिन प्रदान गरेको थियो ।
स्वीजरल्याण्डबाट ल्याइएका उपकरणहरु विश्व स्तरका ए ग्रेडका ल्याबहरुमा प्रयोग हुदै आएको अगापे डाईग्गोनिष्टक कम्पनीका कन्ट्री म्यानेजर सुनिलकुमार शर्माले जानकारी दिए । जुन डाईग्नोष्टिक ल्याब्रोटोरी उपकरणले २ सयभन्दा बढि क्याटोगोरीमा प्रति घण्टा २ सय ४० वटाभन्दा बढि स्याम्पल टेष्ट गर्न सक्दछ ।

प्रकाशित समय १८:२४ बजे