अन्तराष्ट्रिय राउण्ड टेबल एसिया प्यासिफिक क्षेत्रकोे काठमाडौँमा सम्पन्न बैठकमा राउण्ड टेबल नेपालका पूर्वअध्यक्ष जयन्त अग्रवाल एसिया प्यासिफिक क्षेत्रको आगामी कार्यकाल (२०१९–२०) का लागि अध्यक्ष निर्वाचित भएका छन् ।
उनी हेमन्त गोल्छा, मनोज केडिया, अमित बेगानी र आकाश गोल्छापछिको एसिया प्यासिफिक क्षेत्रको पाँचौ अध्यक्षका रुपमा निर्वाचित भएका हुन् ।
एसिया प्यासिफिक वार्षिक साधारणसभामा नेपालसहित १२ देशका १ सय टेबलर्सहरुको सहभगिता थियो । एसिया प्यासिफिक क्षेत्रको अन्तराष्ट्रिय राउण्ड टेबलमा नेपाल, भारत, श्रीलङ्का, फिलिपिन्स, अष्ट्रेलिया, हङकङ ,सिङ्गापुर, मलेसिया र न्यूजिल्यान्ड सहित १० देश सदस्य छन् । एसिया प्यासिफिक क्षेत्रको हालसम्मको अध्यक्ष श्रीलङ्काका रनिल समाराविक्रमा रहेका छन् ।

प्रकाशित समय १९:२७ बजे