लग्जरीकारको उपनाम पाएको ल्यान्ड रोभरले अब हाइब्रिड कार रेन्ज रोभर पी ४०० लाई नेपालमा पनि विस्तार गर्ने भएको छ । नेपालका लागि आधिकारक बिक्रेता कम्पनी किशोर गियरले नेपाल भित्र्याउन लागेको हो । यसको मूल्यबारे केही उल्लेख गरिएको छैन ।

यो प्रिमियम एसयुभीमा २.० लिटर टर्बोचार्जड इन्जिन राखिएको छ । यसले २९६ बीएच पावर र ४०० एनएम टर्क उत्पादन गर्छ । यसमा भएको इलेक्ट्रिक मोटरले ११४ बीएच पावर र २७५ एनएम टर्क जेनेरेट गर्छ ।

यी दुवै इन्जिनको एकैपटक प्रयोग गर्दा पिक पावरका रूपमा ३९८ बीएच पावर र ६४० एनएम टर्क जेनेरेट हुनेछ । फोर ह्विल ड्राइभ अप्सनमा रहेको यो एसयुभीमा ८ स्पिड अटोमेटिक गियरबक्स जडान गरिएको छ । यसअघिको ३.० भी ६ इन्जिनको तुलनामा यसमा रहेको २.० टर्बो इन्जिन बढी शक्तीशाली रहेको जनाइको छ । यो हाइब्रिड मोडलले ० देखि ६० किलोमिटरको गति पार गर्न मात्र ६.४ सेकेन्ड लगाउने छ ।

१३.१ किलोवाटको लिथिएम आयन ब्याट्री जडित यस कारलाई ७ किलोवाटको एसी चार्जरले घरमा नै चार्ज गर्न सकिन्छ । यसलाई एकपटक फुल चार्ज गर्न करिब १० घन्टा लाग्ने कम्पनीले जनाएको छ । डिसी फास्ट चार्जरबाट भने तीन घण्टाभन्दा कम समयमा नै फुल चार्ज गर्न सकिने जनाइएको छ । यसमा रहेको इलेक्ट्रिक मोटरबाट गाडी चलाउँदा एकपटकको फुलचार्जमा ५० किलोमिटर चलाउन सकिने कम्पनीको दाबी छ ।

प्रकाशित समय १२:३३ बजे