कोरोना भाइरस (कोभिड १९) को संक्रमणबाट ज्यान गुमाउनेको संख्या एक लाख ६० हजार नाघेको छ । आइतबार बिहानसम्म एक लाख ६० हजार ७४७ जनाले ज्यान गुमाएका छन् ।

वर्ल्डोमिटरको तथ्यांकअनुसार अहिलेसम्म विश्वभर २३ लाख ३० हजार ७८१ जनामा संक्रमण देखिएको छ । गएको २४ घण्टामा मात्रै साढे ६ हजारभन्दा बढीको ज्यान गएको विश्व स्वास्थ्य संगठनले जनाएको छ ।

कोरोना संक्रमण भएका पाँच लाख ९६ हजार ४८२ जनाको अहिलेसम्म सफल उपचार भएको छ । सबैभन्दा बढी चीनमा ७७ हजार २९ जनाको उपचार भइसकेको छ । विश्वभर अझैं ५५ हजार २६५ जनाको अवस्था गम्भीर रहेको छ ।

कोरोनाको प्रकोपले धेरै मानवीय क्षति भोगेको अमेरिका दिनहुँजसो दुई हजारको हाराहारीले ज्यान गुमाउदै आएका छन् । अहिले अमेरिकामा ज्यान गुमाउनेको संख्या ३९ हजार १४ पुगेको छ । त्यस्तै सात लाख ३८ हजार ७९२ जनामा कोरोना संक्रमण देखिएको छ भने ६८ हजार २६९ जनाको उपचारपछि सञ्चो भइसकेको छ ।

प्रकाशित समय ०७:२० बजे