विश्वभर कोरोना संक्रमित हुनेको संख्या ४७ लाख नाघेको छ । गएको २४ घण्टामा मात्रै ९५ हजार ५९१ जनामा नयाँ संक्रमित थपिएपछि कूल संक्रमितको संख्या ४७ लाख १६ हजार ८०८ पुगेको हो ।

आइतबार बिहानसम्म ज्यान गुमाउनेको संख्या पनि निकै बढेको छ । वर्ल्डोमिटरको तथ्यांकअनुसार अहिलेसम्म ज्यान गुमाउनेको संख्या तीन लाख १२ हजार नाघेको छ । गएको २४ घण्टामा मात्रै चार हजार २२६ जनाको ज्यान गएपछि मृत्यु हुनेको संख्या तीन लाख १२ हजार ३८० पुगेको बताइएको छ ।

विश्व स्वास्थ्य संगठनका अनुसार अहिलेसम्म संक्रमितमध्ये १८ लाख ९ हजार ८३७ जना डिस्चार्ज भइसकेका छन् भने २५ लाख ९४ हजार ५९१ जनाको उपचार भइरहेको छ । त्योमध्ये पनि ४४ हजार ८२७ जनाको अवस्था चिन्ताजनक रहेको स्वास्थ्य संगठनले जनाएको छ ।

सबैभन्दा बढी प्रकोप फैलिएको अमेरिकामा संक्रमितको संख्या १५ लाख नाघेको छ । गएको २४ घण्टामा मात्रै २३ हजार ४१६ जनामा नयाँ संक्रमण देखिएपछि कूल संक्रमितको संख्या १५ लाख सात हजार ७०१ पुगेको हो । त्यस्तै अमेरिकामा ८९ हजार ५९१ जनाले ज्यान गुमाइसकेका छन् । एकै दिनमा एक हजार ८४ जनाले ज्यान गुमाएका हुन् ।

अमेरिकामा कूल संक्रमितमध्ये तीन लाख ३८ हजार ९७५ जना उपचारपछि घर फर्किएका छन् भने १० लाख ७९ हजार १३५ जना उपचाररत छन् । त्यस्तै १६ हजार २४७ जनाको अवस्था गम्भीर रहेको छ ।

प्रकाशित समय ०६:२० बजे