विश्वभर कोरोना भाइरस संक्रमित भएका करिब २६ लाखको हाराहारीमा डिस्चार्ज भएका छन् । शुक्रबार बिहानसम्म कूल संक्रमितमध्ये २५ लाख ७९ हजार ६२९ जना कोरोना भाइरस जितेर घर फर्किएका हुन् ।

विश्व स्वास्थ्य संगठनका अनुसार अहिलेसम्म ५९ लाखभन्दा बढी व्यक्तिमा कोरोना संक्रमण भएको पुष्टि भइसकेको छ भने तीन लाख ६२ हजारभन्दा बढीले ज्यान गुमाइसकेका छन् । यो समाचार तयार पार्दासम्म विश्वभर ५९ लाख चार हजार ६७३ जनामा अहिलेसम्म कोरोना संक्रमण देखा परेको छ भने तीन लाख ६२ हजार १० जनाको ज्यान गएको छ ।

वर्ल्डोमिटरको तथ्यांकअनुसार अहिलेसम्म कूल २५ लाख ७९ हजार ६२९ जनाको सफल उपचार भएको छ भने २९ लाख ६३ हजार ३४ जनाको उपचार भइरहेको छ । त्यस्तै उपचाररतमध्ये पनि ५३ हजार ९७५ जनाको अवस्था चिन्ताजनक रहेको बताइएको छ ।

सबैभन्दा बढी फैलिएको अमेरिकामा कूल संक्रमितको संख्या १७ लाख ६८ हजार नाघेको भने एक लाख तीन हजार ३३० जनाले ज्यान गुमाइसकेका छन् । त्यस्तै करिब पाँच लाखको हाराहारीमा डिस्चार्ज भएका छन् । त्यस्तै ११ लाख ६६ हजार ४०६ जनाको उपचार भइरहेको छ ।

ब्राजिलमा कोरोना संक्रमितको संख्या चार लाख ३८ हजार नाघेको छ । विश्व स्वास्थ्य संगठनका अनुसार अहिलेसम्म २६ लाख ७६४ जनाले ज्यान गुमाएका छन् भने एक लाख ९३ हजारभन्दा बढीको सफल उपचार भइसकेको छ ।

प्रकाशित समय ०८:२० बजे