विश्वभर कोरोना भाइरस संक्रमित ३६ लाखभन्दा बढी व्यक्तिको सफल उपचार भएको छ । गएको २४ घण्टामा मात्रै तीन हजारभन्दा बढी व्यक्तिलाई अस्पतालले डिस्चार्ज गरेपछि सञ्चो हुनेको संख्या ३६ लाख दुई हजार ५०२ पुगेको हो ।

विश्व स्वास्थ्य संगठनका अनुसार अहिलेसम्म विश्वभर ७४ लाखभन्दा बढी व्यक्तिमा कोरोना संक्रमण देखिएको छ । एकै दिनमा एक लाख २५ हजारभन्दा बढी व्यक्तिमा कोरोना संक्रमण देखिएपछि संक्रमितको संख्या ७३ लाख १६ हजार ९४४ पुगेको हो ।

संक्रमितमध्ये चार लाख १३ हजार ६२७ जनाको ज्यान गएको छ भने ३३ लाख ८१५ जनाको उपचार भइरहेको छ । त्यस्तै ५४ हजारभन्दा बढी व्यक्तिको स्वास्थ्य अवस्था गम्भीर रहेको बताइएको छ । सबैभन्दा बढी संक्रमित अमेरिकामा २० लाख ४५ हजारभन्दा बढी व्यक्तिमा भाइरस संक्रमण भएको छ भने एक लाख १४ हजारभन्दा बढीको ज्यान गएको छ । त्यस्तै ब्राजिलमा सात लाख ४२ हजारभन्दा बढीमा कोरोना देखिएको छ भने ३८ हजार ४९७ जनाको ज्यान गएको छ ।

वर्ल्डोमिटरका अनुसार सबैभन्दा कढी संक्रमित भएको तेस्रो मुलुकको रुपमा रसिया देखिएको छ । रसियामा ६ हजार १४२ जनाको ज्यान गएको छ भने दुई लाख ४२ हजारभन्दा बढी व्यक्तिको सफल उपचार भएको स्वास्थ्य संगठनले जनाएको छ । अहिलेसम्म विश्वका २१५ देशमा कोरोना भाइरस संक्रमण देखिएको छ ।

प्रकाशित समय ०७:५६ बजे