विश्वभर ३९ लाख ५६ हजारभन्दा बढीले कोरोना भाइरस जितेको छ । एककै दिनमा हजारौं जनाले भाइरस जितेपछि डिस्चार्ज हुनेको संख्या ३९ लाख ५६ हजार २७२ पुगेको हो ।

विश्व स्वास्थ्य संगठनका अनुसार विश्वभर ७७ लाखभन्दा बढी व्यक्तिमा कोरोना भाइरस देखा परेको छ । एकै दिन झण्डै डेढ लाख व्यक्तिमा भाइरस संक्रमण देखिएपछि संक्रमितको संख्या ७७ लाख ३२ हजार ४८५ पुगेको छ ।

त्यस्तै विश्वभर ज्यान गुमाउनेको संख्या पनि चार लाख २८ हजार नाघेको छ । एकै दिनमा चार हजारभन्दा बढी व्यक्तिको ज्यान गएपछि मृत्यु हुनेको संख्या चार लाख २८ हजार २३६ पुगेको छ । त्यस्तै ३९ लाख ५६ हजार २७२ जनाको सफल उपचार भएको छ भने ३३ लाख ४७ हजार ९७७ जनाको उपचार भइरहेको छ ।

वर्ल्डोमिटरको तथ्यांकअनुसार सबैभन्दा बढी प्रकोप फैलिएको अमेरिकामा संक्रमितको संख्या २१ लाख नाघेको छ भने एक लाख १६ हजारभन्दा बढी व्यक्तिको ज्यान गएको छ । त्यस्तै आठ लाखभन्दा बढीको सफल उपचार भएको छ भने ११ लाखभन्दा बढीको उपचार भइरहेको छ ।

प्रकाशित समय ०८:४३ बजे