विश्वभर कोरोना संक्रमितको संख्या ८० लाख नजीक पुगेको छ । गएको २४ घण्टामै एक लाख ३३ हजारभन्दा बढी संक्रमित थपिएपछि विश्वभर संक्रमितको संख्या ७८ लाख ६० हजार ७३० पुगेको हो ।

विश्व स्वास्थ्य संगठनका अनुसार अहिले विश्वभर ज्यान गुमाउनेको संख्या चार लाख ३२ हजार नाघेको छ । गएको २४ घण्टामा मात्रै करिब ४५ सय जनाले ज्यान गुमाएपछि मृत्यु हुनेको संख्या चार लाख ३२ हजार २०० पुगेको हो । त्यस्तै संक्रमितमध्ये ४० लाख ३५ हजार ७८७ जना उपचारपछि घर फर्किएका छन् भने ३३ लाख ९२ हजार ७४३ को उपचार भइरहेको छ । उपचार भइरहेकामध्ये पनि ५४ हजार ८२ जनाको अवस्था चिन्ताजनक रहेको वर्ल्डोमिटरको तथ्यांकले देखाएको छ ।

सबैभन्दा बढी प्रकोप फैलिएको अमेरिकामा संक्रमितको संख्या २१ लाख नाघेको छ । एकै दिनमा २५ हजारभन्दा बढी संक्रमित थपिएपछि कूल संक्रमितको संख्या २१ लाख ४२ हजार २२४ जनामा संक्रमण देखिएको हो । त्यस्तै ज्यान गुमाउनेको संख्या एक लाख १७ हजार ५२७ पुगेको छ ।
संक्रमितमध्ये अमेरिकामा आठ लाख ५४ हजारभन्दा बढी व्यक्ति उपचारपछि घर फर्किएका छन् । त्यस्तै ११ लाख ७० हजारभन्दा बढीको उपचार भइरहेको छ । त्यसमा पनि १६ हजार ७४४ जनाको अवस्था गम्भीर रहेको त्यहाँको स्वास्थ्य विभागले जनाएको छ ।

अमेरिकापछिकै दोस्रो बढी प्रकोप फैलिएको ब्राजिलमा संक्रमितको संख्या आठ लाख ५० हजार नाघेको संक्रमितको संख्या आठ लाख ५० हजार नाघेको छ भने ४२ हजारभन्दा बढीले ज्यान गुमाएका छन् । त्यस्तै चार लाख ३७ हजारभन्दा बढीको सफल उपचार भएको छ भने तीन लाख ७० हजारको उपचार भइरहेको छ ।

प्रकाशित समय ०८:५२ बजे