विश्वभर कोरोना भाइरस संक्रमितको संख्या ८४ लाख नाघेको छ । गएको २४ घण्टामा मात्रै एक लाख ४८ हजारभन्दा बढी व्यक्तिमा कोरोना संक्रमण भएपछि कुल संक्रमितको संख्या ८४ लाख १२९ पुगेको हो ।

विश्व स्वास्थ्य संगठनका अनुसार भाइरसका कारण विश्वभर ज्यान गुमाउनेको संख्या पनि चार लाख ५१ हजार नाघेको छ । एकै दिनमा ६ हजारभन्दा बढी व्यक्तिको ज्यान गएपछि मृतकको संख्या चार लाख ५१ हजार २६३ पुगेको हो । त्यस्तै कुल संक्रमितमध्ये ४४ लाखभन्दा बढी व्यक्तिको सफल उपचार भएको छ ।

वर्ल्डोमिटरको तथ्यांकअनुसार अहिलेसम्म ४४ लाख १४ हजार ९९१ जना संक्रमित डिस्चार्ज भएका छन् भने ३५ लाख ३३ हजार ८७५ जनाको उपचार भइहरेको छ । उपचार भइरहेकामध्ये पनि ५४ हजार ४५२ जनाको अवस्था चिन्ताजनक रहेको विश्व स्वास्थ्य संगठनले जनाएको छ ।

सबैभन्दा बढी प्रकोप फैलिएको अमेरिकामा संक्रमितको संख्या २२ लाख ३४ हजार नाघेको छ भने ज्यान गुमाउनेको संख्या एक लाख १९ हजार ९४१ पुगेको छ । त्यस्तै ९ लाख १८ हजार ७९६ जनाको सफल उपचार भएको छ । त्यस्तै करिब १२ लाख व्यक्तिको सफल उपचार भएको छ ।

त्यस्तै ब्राजिलमा ९ लाख ६० हजार व्यक्तिमा भाइरस देखिएको छ भने ४६ हजारभन्दा बढीको ज्यान गएको छ । रसियामा पनि ५ लाख ५३ हजारभन्दा बढी व्यक्तिमा भाइरस देखिएको छ भने सात हजार ४७८ पुगेको छ ।

सबैभन्दा बढी प्रकोप फैलिएको चौथो देशको रुपमा भारत देखिएको छ । भारतमा संक्रमितको संख्या तीन लाख ६७ हजार नाघेको छ भने १२ हजार २६२ जनाको ज्यान गएको छ । संक्रमितमध्ये भारतमा एक लाख ९४ हजारभन्दा बढी व्यक्तिको सफल उपचार भएको छ । त्यस्तै एक लाख ६० हजारभन्दा बढी व्यक्तिको उपचार भइरहेको छ ।

प्रकाशित समय ०८:५९ बजे