विश्वभर ४५ लाख ३० हजारभन्दा बढी कोरोना संक्रमित डिस्चार्ज भएका छन् । गएको २४ घण्टामा मात्रै २० हजारभन्दा बढी संक्रमित डिस्चार्ज भएपछि निको हुनेको संख्या ४५ लाख ३० हजार २६१ पुगेको हो ।

विश्व स्वास्थ्य संगठनका अनुसार विश्वभर ८५ लाख ७८ हजारभन्दा बढी व्यक्तिमा संक्रमण देखिएको छ । गएको २४ घण्टामै एक लाख ४७ हजारभन्दा बढी संक्रमित थपिएपछि कुल संक्रमितको संख्या ८५ लाख ७८ हजार ८५ जनामा संक्रमण देखिएको छ ।

वर्ल्डोमिटरको तथ्यांकअनुसार कोरोना भाइरसका कारण ज्यान गुमाउनेको संख्या पनि चार लाख ५६ हजार नाघेको छ । एकै दिनमा ६ हजारको हाराहारीमा संक्रमित थपिएपछि ज्यान गुमाउनेको संख्या चार लाख ५६ हजार २८४ पुगेको छ । त्यस्तै ३५ लाख ९१ हजार ५०७ जनाको उपचार भएको छ भने ५४ हजारभन्दा बढीको अवस्था चिन्ताजनक रहेको छ ।

सबैभन्दा बढी प्रकोप फैलिएको अमेरिकामा संक्रमितको संख्या २२ लाख ६४ हजार नजिक पुगेको छ भने ज्यान गुमाउनेको संख्या एक लाख २० हजार ६८८ पुगेको छ । विश्व स्वास्थ्य संगठनका अनुसार ९ लाख ३० हजारभन्दा बढी व्यक्तिको सफल उपचार भएको छ ।

ब्राजिलमा कोरोना भाइरस संक्रमितको संख्या ९ लाख ८३ हजार ३५९ पुगेको छ भने ४७ हजार ८६९ जनाले ज्यान गुमाएका छन् । ब्राजिलमा अहिलेसम्म पाँच लाख २० हजार ३६० जनाको सफल उपचार भएको छ । त्यस्तै चार लाख १५ हजारभन्दा बढीको उपचार भइरहेको छ ।

प्रकाशित समय ०९:०८ बजे