गण्डकी प्रदेशमा शनिबार थप ५८ जनामा कोरोना संक्रमण देखिएको छ । यससँगै गण्डकी प्रदेशमा कोरोना संक्रमितको सख्या ४ सय ३८ पुगेको छ ।

प्रदेशको तनहुँमा २५, नवलपुरमा १५, गोरखामा ५, मेग्दिमा १, कास्कीमा २ र बागलुङमा ८ जनामा कोरोना संक्रमण पुष्टि भएको स्वास्थ्य निर्देशनालय गण्डकीका निर्देशक डा विनोद विन्दु शर्माले जानकारी दिए ।

उनीहरु सबैजना सम्बन्धित पालिकाको क्वारेन्टाइनमा रहेको गण्डकी स्वस्थ्य निर्देशनालयले जनाएको छ । संक्रमित सबैलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको निर्देशक शर्माले जानकारी दिए । गण्डकी प्रदेशमा हालसम्म ३२ जना निको भएर घर फर्किएका छन् भने १ जनाको मृत्यु भएको छ ।

प्रकाशित समय ०७:४३ बजे