ब्राजिलमा अहिलेसम्मकै सबैभन्दा बढी कोरोना संक्रमित थपिएका छन् । गएको २४ घण्टामा मात्रै ५५ हजार २०९ थपिएपछि संक्रमितको संख्या १० लाख ३८ हजार ५६८ पुगेको हो ।

विश्व स्वास्थ्य संगठनका अनुसार ब्राजिलमा अहिलेसम्म ४९ हजार ९० जनाले ज्यान गुमाएका छन् । गएको २४ घण्टामा मात्रै एक हजार २२१ जनाको मृत्यु भएको छ । त्यस्तै पाँच लाख २० हजार ३६० जना उपचारपछि घर फर्किएका छन् भने ४ लाख ६९ हजार ११८ जनाको उपचार भइरहेको छ ।

उपचार भइरहेकामध्ये पनि आठ हजार तीन सय १८ जनाको अवस्था चिन्ताजनक रहेको वर्ल्डोमिटरको तथ्यांकले देखाएको छ ।

प्रकाशित समय १०:०३ बजे