नमुना परीक्षण गर्दा न्यून गुणस्तरको पाइएका दुई प्रकारका औषधि विक्रीवितरण गर्न औषधि व्यवस्था विभागले रोक लगाएको छ । मेट्रो ४०० एमजी (मेट्रोनिन्डाजोल ट्याबलेट) र सेटोफेन (प्यारासिटामोल ट्याबलेट ५०० एमजी) विक्री वितरणमा विभागले रोक लगाएको हो ।

दुवै औषधि लोमस फर्मास्युटिकल्स प्रालिले उत्पादन गरेका हुन् । उक्त औषधिका नमुना बजार अनुगमनका क्रममा विभागले संकलन गरेको थियो ।

औषधि ऐन २०३५ को दफा १४ बमोजिम विक्रीवितरण रोक्का गरी बजारबाट तुरुन्त फिर्ता गर्न र सोको विवरण पेश गर्न सम्बन्धित उद्योग तथा आधिकारिक विक्री वितरकका प्रतिनिधिलाई विभागले भनेको छ । विभागले उक्त औषधि सिफारिस तथा प्रयोगसमेत नगर्न सार्वजनिक सूचनामार्फत आग्रह गरेको छ ।

विभागको सूचना :

प्रकाशित समय १४:२० बजे