अवैध मिर्गौला प्रत्यारोपण गरेको आरोपमा चितवनको कलेज अफ मेडिकल साइन्सेस अर्थात् पुरानो मेडिकल कलेज भरतपुरबाट चार चिकित्सक पक्राउ परेका छन् । अवैध मिर्गौला प्रत्यारोपण गराएको आरोपमा प्रहरीले चार चिकित्सकसहित जिल्ला प्रशासन कार्यालय चितवनका कर्मचारीलाई पक्राउ गरेको हो ।

अस्पतालको मिर्गौला रोग विभाग प्रमुख प्रा. डा. राकेश बर्मा, प्रा. डा. बालकृष्ण कालाखेती, डा. किरण अधिकारी र डा. सुप्रभात श्रेष्ठ प्रक्राउ परेका हुन् । डा. सुप्रभात श्रेष्ठ कलेजका सीईओ र मेडिकल काउन्सिलका सदस्य हुन् ।

कलेजमा एक वर्षअघि ललितपुरका एक व्यक्तिको मिर्गौला प्रत्यारोपण गरिएको थियो । भान्जा नाता प्रमाणित गरेर ल्याइएका एक युवकले उनलाई मिर्गौला दिएका थिए । अनुसन्धानका क्रममा नाता प्रमाणित गलत भएको पाइए पनि प्रहरीको अपराध अनुसन्धान ब्युरोले उनीहरुलाई पक्राउ गरेको हो ।

प्रकाशित समय २१:०६ बजे