गत जनवरी २२ देखि विश्वभर महामारीको रुपमा फैलिएको कोरोना भाइरसका कारण उपचार गराइरहेका ७४ लाखभन्दा बढी संक्रमित डिस्चार्ज भएका छन् । अहिलेसम्म विश्वभर ७४ लाख ७८ हजार १२९ जना उपचारपछि घर फर्किएको विश्व स्वास्थ्य संगठनले जनाएको छ ।

वर्ल्डोमिटरको तथ्यांकअनुसार अहिलेसम्म एक करोड २८ लाखभन्दा बढी व्यक्तिमा कोरोना संक्रमण देखिएको छ । गएको २४ घण्टामा मात्रै दुई लाख २२ हजारभन्दा बढी व्यक्तिमा भाइरस संक्रमण देखिएपछि संक्रमितको संख्या एक करोड २८ लाख ४१ हजार ५०४ पुगेको छ ।

त्यस्तै ज्यान गुमाउनेको संख्या पनि पाँच लाख ६७ हजार नाघेको छ । यो समाचार तयार पार्दासम्म विश्वभर पाँच लाख ६७ हजार ६२८ जनाले ज्यान गुमाएका छन् । त्यस्तै ४७ लाख ९५ हजारभन्दा बढीको उपचार भइरहेको छ भने ५८ हजार ८३२ जनाको अवस्था चिन्ताजनक रहेको विश्व स्वास्थ्य संगठनले जनाएको छ ।

सबैभन्दा बढी प्रकोप फैलिएको अमेरिकामा कोरोना संक्रमितको संख्या ३३ लाख नाघेको छ । गएको २४ घण्टामा मात्रै ६१ हजारभन्दा बढी व्यक्तिमा संक्रमण देखिएपछि कुल संक्रमितको संख्या ३३ लाख ५५ हजार ६४६ पुगेको हो । त्यस्तै एक लाख ३७ हजार ४०३ जनाले ज्यान गुमाएका छन् ।

अहिलेसम्म अमेरिकामा १४ लाख ९० हजार जनाले कोरोना जितेका छन् भने १७ लाख २७ हजार ७९७ जनाको उपचार भइरहेको छ । उपचार भइरहेकामध्ये पनि १५ हजार ८१९ जनाको स्वास्थ्य अवस्था जटिल रहेको अमेरिकी स्वास्थ्य विभागले जनाएको छ ।

प्रकाशित समय ०९:२४ बजे