विश्वभर कोरोना भाइरसबाट डिस्चार्ज हुनेको संख्या एक करोड ६० लाखको हाराहारीमा पुगेको छ । गएको २४ घण्टामा मात्रै साढे ८ हजार जना संक्रमित डिस्चार्ज भएपछि संक्रमणमुक्त हुनेको संख्या एक करोड ५९ लाख आठ हजार ५२४ पुगेको हो ।

विश्व स्वास्थ्य संगठनका अनुसार विश्वभर कोरोना संक्रमितको संख्या दुई करोड ३३ लाख ८२ हजार नाघेको छ । शनिवार मात्रै दुई लाख ७२ हजार नयाँ संक्रमित थपिएका छन् । त्यस्तै अहिलेसम्म ज्यान गुमाउनेको संख्या आठ लाख आठ हजार नाघेको छ ।

कुल संक्रमितमध्ये ६६ लाख ६४ हजार ८५३ जनाको उपचार भइरहेको छ भने ६१ हजार ७१५ जनाको स्वास्थ्य अवस्था चिन्ताजनक रहेको छ । सबैभन्दा बढी संक्रमण फैलिएको अमेरिकामा ५८ लाख ८२ हजार नाघेको छ । गएको २४ घण्टामा मात्रै अमेरिकामा ४३ हजार ८२९ जनामा संक्रमण देखिएको थियो ।

अमेरिकी स्वास्थ्य विभागका अनुसार अहिलेसम्म एक लाख १४ हजार २७७ जनाको ज्यान गएको छ । शनिबार मात्रै ९७४ जनाले ज्यान गुमाएका हुन् । त्यस्तै ३१ लाख ४८ हजारको उपचार भइसकेको छ भने २५ लाख १३ हजारको उपचार भइरहेको छ ।

प्रकाशित समय १०:२७ बजे