विश्वभर कोरोनाबाट ज्यान गुमाउनेको संख्या आठ लाख ८० हजार नजिक पुगेको छ । गएको २४ घण्टामा मात्रै साढे ६ हजारको ज्यान गएपछि ज्यान गुमाउनेको संख्या आठ लाख ७८ हजार ३३४ पुगेको हो । त्यस्तै अहिलेसम्म संक्रमितको संख्या दुई करोड ६७ लाख ९२ हजार ७६२ पुगेको छ ।

गएको २४ घण्टामा मात्रै विश्वभर तीन लाख ८ हजार ४२९ जनामा संक्रमण देखिएको थियो । अहिलेसम्म कुल संक्रमितमध्ये एक करोड ८९ लाख चार हजार ३३६ जनाको सफल उपचार भएको छ भने ७० लाख ९ हजार ४६२ जनाको उपचार भइरहेको छ । उपचार भइरहेकामध्ये पनि ६० हजार ९०६ जनाको स्वास्थ्य अवस्था चिन्ताजनक रहेको छ ।

विश्व स्वास्थ्य संगठनका अनुसार सबैभन्दा बढी संक्रमण फैलिएको अमेरिकामा कुल संक्रमितको संख्या ६३ लाख ८९ हजार नाघेको छ । गएको २४ घण्टामा मात्रै ५२ हजार ८५३ जनामा संक्रमण देखिएको थियो । योसँगै अमेरिकामा ६३ लाख ८९ हजार ०५७ जनामा संक्रमण देखिएको हो । त्यस्तै अहिलेसम्म एक लाख २५ हजार ५८४ जनाको ज्यान गएको छ ।

शुक्रबार मात्रै अमेरिकामा एक हजार ३३ जनाले ज्यान गुमाए । त्यस्तै अहिलेसम्म ३६ लाख ३५ हजार ८५४ जनाको सफल उपचार भएको छ भने २५ लाख ६१ हजार ९२ जनाको उपचार भइरहेको विश्व स्वास्थ्य संगठनले जनाएको छ । सबैभन्दा बढी संक्रमण संक्रमण फैलिएको दोस्रो ठूलो देश ब्राजिलमा पनि कोरोना संक्रमितको संख्या ४० लाख ९१ नाघेको छ ।

एकै दिनमा ४५ हजार संक्रमित थपिएपछि कुल संक्रमितको संख्या ४० लाख ९१ हजार ८०१ पुगेको हो । त्यस्तै गएको २४ घण्टामा मात्रै ८५५ जनाको ज्यान गएपछि मृत्यु हुनेको संख्या पनि एक लाख २५ हजार ५८४ पुगेको छ ।

ब्राजिलमा अहिलेसम्म ३२ लाख ७८ हजारको उपचार भइसकेको छ भने ६ लाख ८७ हजार ९७४ जना संक्रमितको उपचार भइरहेको छ । त्यस्तै छिमेकी मुलुक भारतमा कोरोना संक्रमितको संख्या ४० लाख नाघेको छ । गएको २४ घण्टामा मात्रै ८७ हजार ११५ जनामा थप संक्रमण देखिएपछि कुल संक्रमितको संख्या ४० लाख २० हजार २३९ पुगेको हो । त्यस्तै गएको २४ घण्टामा मात्रै एक हजार ६६ जनाले ज्यान गुमाएका छन् ।

योसँगै भारतमा अहिलेसम्म ज्यान गुमाउनेको संख्या ६९ हजार ६३५ पुगेको छ । भारतीय स्वास्थ्य विभागका अनुसार अहिलेसम्म ३१ लाख चार हजार ५१२ जनाको सफल उपचार भएको छ भने आठ लाख ४६ हजार ९२ संक्रमितको उपचार भइरहेको छ । उपचाररतमध्ये पनि ९ हजार जना संक्रमितको स्वास्थ्य अवस्था चिन्ताजनक रहेको जनाएको छ ।

प्रकाशित समय १०:२८ बजे