विश्वभर दुई करोड ३६ लाख ७९ हजार ९६२ जना कोरोना संक्रमित डिस्चार्ज भएका छन् । विश्व स्वास्थ्य संगठनका अनुसार अहिलेसम्म संक्रमित हुनेको संख्या ३ करोड २० लाख ९७ हजार १६७ पुगेको छ । वितेका २४ घण्टामा थप ३ लाख १५ हजार ७१७ जनामा संक्रमण देखिएको विश्व स्वास्थ्य संगठनले जनाएको छ ।

अहिलेसम्म ९ लाख ८१ हजार ९६७ जनाले ज्यान गुमाएका छन् । गएको २४ घण्टामा मात्रै ६ हजार ३३३ जनाले ज्यान गुमाएका थिए । हाल सक्रिय संक्रमितको संख्या ७४ लाख ३३ हजार ७३६ रहेको छ । सबैभन्दा बढी कोरोना भाइरस फैलिएको अमेरिकामा गएको २४ घण्टामा एक हजार १२२ ले ज्यान गुमाएका छन् । योसँगै अमेरिकामा ज्यान गुमाउनेको संख्या दुई लाख ६ हजार ५९३ पुगेको छ । अमेरिकामा हालसम्म ७१ लाख ३९ हजार ५५३ संक्रमित छन् ।

बढी कोरोना फैलिएको दोस्रो मुलुक भारतमा संक्रमितको संख्या ५७ लाख ३२ हजार नाघेको छ । त्यस्तै अहिलेसम्म ९१ हजार १७३ जना संक्रमितले ज्यान गुमाएका छन् । ब्राजिलमा ४६ लाख २७ हजार ७८० संक्रमित छन् भने एक लाख ३९ हजार ६५ को मृत्यु भएको छ ।

प्रकाशित समय ११:०४ बजे