धारिलो हतियार प्रहार गरी ३ जनालाई घाइते बनाएको अभियोगमा सिरिजंघा गाउँपालिका- ८, तारतुम बस्ने २२ वर्षीय लाक्पा भोटेलाई बुधबार राति प्रहरीले पक्राउ गरेको छ ।

सोही ठाउँ छिरिङडाँडास्थित आफ्न्तको घरमा बेलुकाको खाना खाई बसेकोमा भोटेले धारिलो हतियार बाम्फोकले प्रहार गरेको प्रहरीले जनाएकाे छ । प्रहरीका अनुसार बाम्फोक प्रहारबाट सोही ठाउँका ६० वर्षीया लाक्पा फुटी भोटे, उनकै छोरा ३६ वर्षीय पासाङ भोटे र १८ वर्षीय पासाङ छिरिङ घाइते भएका छन् ।

घटनाबारे खबर प्राप्त हुनासाथ ईलाका प्रहरी कार्यालय तेल्लोक र प्रहरी चौकी याम्फुदिनबाट खटिएको प्रहरीले लाक्पालाई हतियारसहित पक्राउ गरेको हो । घाइतेलाई उपचारको लागि स्थानीय स्वास्थ्य चौकी याम्फुदिन पठाइएको छ ।

घटनाका सम्बन्धमा थप अनुसन्धान भइरहेको प्रहरीले जनाएको छ ।

प्रकाशित समय १७:४२ बजे