महानगरीय ट्राफिक प्रहरी महाशाखाको पिडित सहायता इकाईबाट विशेष सुचनाको आधारमा खटिएको सादा पोशाकका ट्राफिक प्रहरी टोलीले नक्कली सवारी चालक अनुमति पत्र सहित एक जनालाई पक्राउ गरेको छ ।

जिल्ला सिन्धुपाल्चोक सांगाचोकगडी नगरपालिका वडा नं. १२ घर भई हाल भक्तपुर जिल्ला मध्यपुर ठिमी नगरपालिका वडा नं. ७ बस्ने बर्ष २८ को आशिष गिरीलाई प्रहरीले पक्राउ गरेका हुन् । उनी मंसिर २३ गते मंगलबार मध्यपुर ठिमी नगरपालिका वडा नं. ६ ठिमिबाट पक्राउ परेका थिए ।

उनले प्रयोग गर्दै आएको बा १५ च ४६८४ नं. को हुण्डाई कम्पनिको I20 कार तथा किर्ते गरी बनाईएका ३८ थान नक्कली सवारी चालक अनुमती पत्र र विभिन्न बैंकका चेक समेत बरामद गरी थप अनुसन्धान एवं आवश्यक कारबाहीको लागि महानगरीय प्रहरी वृत्त ठिमी भक्तपुरमा पठाईएको छ ।

प्रकाशित समय ११:३६ बजे