नेपालमा होटलमा खानाखाजा खाँदा साथीभाइको पैसासमेत आफैंले तिर्ने चलन छ । श्रीमान श्रीमतीबीच त कसले तिर्ने भन्ने प्रश्नै उठ्दैन । तर, केही देशमा पतिपत्नीबीचको सम्बन्ध नै यति प्राविधिक भइसक्यो, जहाँ हरेक कुरामा हिसाबकिताब खोजिन्छ ।

अस्ट्रेलियाको कास्टवुड क्षेत्रमा यस्तै भयो । एक दम्पतीले कास्टवुड क्षेत्रको रेल्वे स्ट्रिटमा रहेको एक रेस्टुराँमा बसेर प्रेमपूर्वक खाना खाए । खाना खाइसकेपछि पतिले पत्नीलाई आधा बिल तिर्न भने । पत्नीले मानिनन् ।

पत्नीले बिलमा उठेको आधा पैसा दिन नमानेपछि झगडा सुरू भयो । झगडा बढ्दै गयो । रेस्टुराँभरिका मानिसले उनीहरूलाई हेर्न थाले । रिसाएका पतिले केही सोच्दै नसोची प्रहरी बोलाए ।

पतिपत्नीका बीच रेस्टुराँको बिल तिर्ने विषयमा झगडा हुँदा पुलिस बोलाउनु मुर्खतासिवाय केही होइन । प्रहरीले पनि रेस्टुराँ पुगेर यस्तो सानो झगडाका लागि प्रहरीलाई बोलाउनु ठीक नभएको बतायो र फर्कियो । बिल कसले तिर्यो भन्ने चाहिँ खुलाइएको छैन ।

(एजेन्सी)

प्रकाशित समय १८:३९ बजे