विश्वभर महामारीको रुपमा फैलिएको कोरोना भाइरस संक्रमित २१ लाखभन्दा बढी व्यक्तिको उपचार भइरहेको छ । आइतबार बिहानसम्म विश्वभर २१ लाख २७ हजार ७७८ जनाको उपचार भइरहेको विश्व स्वास्थ्य संगठनले जनाएको छ ।

आइतबार बिहानसम्ममा कोरोना संक्रमितको संख्या ३४ लाख ८० हजार ४५२ पुगे पनि ११ लाख आठ हजार ६५ जनाको सफल उपचार भइसकेको छ । गएको २४ घण्टामा मात्रै विश्वभर ८२ हजार ३५८ जना नयाँ संक्रमित थपिएका छन् भने पाँच हजार १६१ जनाले ज्यान गुमाएको वर्ल्डोमिटरको तथ्यांकले देखाएको छ ।

अहिलेसम्म विश्वभर ज्यान गुमाउनेको संख्या दुई लाख ४४ हजार ६०९ पुगेको छ । उपचाररत २१ लाखमध्ये ५० हजार ८६१ जनाको अवस्था चिन्ताजनक भएको स्वास्थ्य संगठनले जनाएको छ । विश्वभर सबैभन्दा बढी कोरोनाले प्रभावित भएको अमेरिकामा ज्यान गुमाउनेको संख्या ६७ हजार नाघेको छ भने ११ लाखभन्दा बढी संक्रमित देखिएका छन् ।

वर्ल्डोमिटरको तथ्यांकअनुसार स्पेनमा २५ हजारभन्दा बढीले ज्यान गुमाइसकेका छन् भने दुई लाख ४५ हजारभन्दा बढी संक्रमित देखिएका छन् । त्यस्तै इटालीमा कोरोनाका कारण ज्यान गुमाउनेको संख्या २८ हजार नाघेको छ भने दुई लाख नौ हजारभन्दा बढी व्यक्तिमा संक्रमण देखिएको छ ।

फ्रान्समा कोरोना भाइरसका कारण २४ हजारभन्दा बढीले ज्यान गुमाइसकेका छन् भने एक लाख ६८ हजार जनामा संक्रमण देखिएको छ । त्यस्तै यूकेमा एक लाख ८२ हजारभन्दा बढी व्यक्तिमा संक्रमण देखिएको छ भने २८ हजार १२१ जनाको गइसकेको विश्व स्वास्थ्य संगठनले जनाएको छ ।

प्रकाशित समय ०७:२३ बजे