नेपालमा कोरोना संक्रमित संख्या ४४४ पुगेको छ । बिहीबार बिहान स्वास्थ्य मन्त्रालयले जारी गरेको विज्ञप्तिमा झापा, सुनसरी र धनकुटाका १७ जनामा कोरोना संक्रमण पुष्टि भएपछि कूल संख्या ४४४ पुगेको जनाएको छ ।

संक्रमित १७ मध्ये १५ जना झापा कचनाकवल गाउँपालिकाका भएको मन्त्रालयले जनाएको छ । स्वास्थ्य मन्त्रालयका अनुसार संक्रमितहरू कचनाकवल गाउँपालिकाको वडा नम्बर ३, ६ र ८ मा फेला परेका हुन् । संक्रमित सबै पुरुष हुन भने उनीहरु १८ वर्षदेखि ४६ वर्ष उमेरका छन् ।

त्यस्तै अन्य दुई संक्रमितमा एक महिला र पुरुष रहेका छन् । संक्रमित पुरूषमा धनकुटा निवासी हुन् । उनको उमेर ३४ वर्ष रहेको छ भने संक्रमित महिला सुनसरीको धरान उपमहानगरपालिकाकी हुन् । उनको उमेर ५१ वर्ष रहेको मन्त्रालयले जनाएको छ ।

प्रकाशित समय ०८:०८ बजे