विश्वभर कोरोना संक्रमित २२ लाख ४७ हजारभन्दा बढी व्यक्तिको सफल उपचार भएको छ । जनवरी २२ बाट विश्वभर फैलिएको नोबेल कोरोना भाइरसबाट ५४ लाख एक हजार २२२ जनामा संक्रमण देखिएको विश्व स्वास्थ्य संगठनले जनाएको छ ।

वर्ल्डोमिटरको तथ्यांकअनुसार कोरोनाको संक्रमणबाट ज्यान गुमाउनेको संख्या पनि तीन लाख ४३ हजार ७९८ पुगेको छ । संक्रमितमध्ये २८ लाख १० हजार ३२६ जनाको उपचार भइरहेको छ भने ५३ हजार ५६२ जनाको अवस्था चिन्ताजनक रहेको जनाएको छ ।

सबैभन्दा बढी संक्रमण भएको अमेरिकामा ज्यान गुमाउनेको संख्या ९८ हजार ६८३ पुगेको छ । त्यस्तै अहिलेसम्म १६ लाख ६६ हजार ८२८ जना संक्रमित देखिएका छन् । संक्रमितमध्ये चार लाख ४६ हजार ९१६ जनाको सफल उपचार भइसकेको स्वास्थ्य संगठनले जनाएको छ । त्यस्तै ११ लाख २१ हजार २३१ जनाको उपचार भइरहेको छ  भने १७ हजार १३३ जनाको अवस्था गम्भीर रहेको देखिएको छ ।

सबैभन्दा बढी दोस्रो स्थानमा ब्राजिलमा बढी संक्रमण भएको छ । ब्राजिलमा अहिलेसम्म तीन लाख ४७ हजार ३९८ जनामा संक्रमण देखिएको छ भने २२ हजार १३ जनाले ज्यान गुमाएका छन् । संक्रमितमध्ये एक लाख ४२ हजार ५८७ जनाको सफल उपचार भएको छ भने एक लाख ८२ हजार ७९८ जनाको उपचार भइरहेको विश्व स्वास्थ्य संगठनले जनाएको छ । उपचार भइरहेका मध्ये पनि ब्राजिलमा आठ हजार ३१८ जनाको अवस्था चिन्ताजनक रहेको छ ।

प्रकाशित समय ०६:५७ बजे