गण्डकी प्रदेशमा थप एक जनामा कोरोना संक्रमण देखिएको छ । गण्डकी प्रदेशको देबचुली नगरपालिका नवलपरासी स्थायी ठेगाना भई सोही पालिकाको क्वारेन्टिनमा रहेका वर्ष ४० का १ जना पुरुषमा कोरोना संक्रमणको पुष्टि भएको हो ।

नवलपरासी जिल्लाको रजहर स्थित सामुदायिक प्राकृतिक चिकित्सालयको आईसोलेसन कक्षमा लैजाने तयारी भैरहेको गण्डकी प्रदेश स्वास्थ्य निर्देशनालयका निर्देशक डा विनोदविन्दु शर्माले जानकारी दिए । यससँगै गण्डकी प्रदेशमा कोरोना संक्रमितको संख्या १४५ पुगेको छ ।

त्यस्तै पोखरा महानगरपालिका ८ आलुमाइला चोक नजिकै बस्ने ६० वर्षीय पुरुषलाई काठमाडौंमा स्वाब जाँच गर्दा कोरोना पुष्टि भएको थियो । ति पुरुषलाई कोरोना पुष्टि भएसँगै स्वास्थ्य निर्देशनालय गण्डकी र पोखरा महानगरपालिकाको समन्वयमा उनको सम्पर्कमा आउनको खोजपड्ताल सुरु गरिएको थियो ।

पोखराको जिएमसी (गण्डकी मेडिकल कलेज) मा उपचारपछि थप उपचारको लागि काठमाडौं पुर्‍याइएका ति पुरुषको सम्पर्कमा आउने अधिकाशं पुरुष हाइप्रोफाइल व्यक्तिहरुको रहेको खुलेको थियो । उनमा कोरोना पुष्टि भएको खबर आएपछि अधिकांश होम क्वारेन्टाइनमा बसेका थिए ।

निर्देशनालयले उनको प्रत्यक्ष सम्पर्कमा आउने ३९ जनाको स्वाब लिएको थियो । संक्रमितको सम्पर्कमा आउने सबैको रिपोर्ट नेजेटिभ आएको निर्देशनालयले जनाएको छ ।

विज्ञप्तिसहित

प्रकाशित समय ०६:४० बजे