विश्वभर कोरोना भाइरसको संख्या ८८ लाख नजिक पुगेको छ । अहिलेसम्मकै एकै दिनमा सबैभन्दा बढी एक लाख ८८ हजार व्यक्तिमा कोरोना देखिएपछि संक्रमितको संख्या ८७ लाख ५७ हजार ७५० पुगेको हो ।

विश्व स्वास्थ्य संगठनका अनुसार अहिलेसम्म विश्वभर चार लाख ६२ हजारभन्दा बढीको ज्यान गएको छ । गएको २४ घण्टामा मात्रै पाँच हजार ७६३ जनाको मृत्यु भएपछि ज्यान गुमाउनेको संख्या चार लाख ६२ हजार ५१९ पुगेको हो । त्यस्तै कोरोना भाइरस संक्रमणपछि निको हुनेको संख्या पनि ४६ लाख नाघेको छ ।

वर्ल्डोमिटरको तथ्यांकअनुसार अहिलेसम्म ४६ लाख २५ हजार ४४९ जना उपचारपछि घर फर्किएका छन् भने ३६ लाख ६९ हजार ७८२ जनाको उपचार भइरहेको छ । त्यस्तै ५४ हजारभन्दा बढीको अवस्था चिन्ताजनक रहेको छ । सबैभन्दा बढी फैलिएको अमेरिकामा एकै दिनमा ३३ हजारभन्दा बढी नयाँ संक्रमित थपिएका छन् ।

अहिलेसम्म अमेरिकामा २२ लाख ९७ हजार १९० जनामा कोरोना संक्रमण पुष्टि भएको छ । त्यस्तै ज्यान गुमाउनेको संख्या पनि एक लाख २१ हजार ४०७ पुगेको छ । ब्राजिलमा अहिलेसम्मकै सबैभन्दा बढी व्यक्तिमा एकै दिन भाइरस संक्रमण देखिएको छ ।

गएको २४ घण्टामा मात्रै ब्राजिलमा ५५ लाख २०९ जनामा भाइरस संक्रमण देखिएपछि संक्रमितको संख्या १० लाख ३८ हजार ५६८ पुगेको हो । त्यस्तै ज्यान गुमाउनेको संख्या पनि ४९ हजार नाघेको छ ।

प्रकाशित समय ०९:१५ बजे