नेपालमा कोरोना संक्रमितको संख्या १९ हजार नाघेको छ । गएको २४ घण्टामा मात्रै ३११ जनामा संक्रमण देखिएपछि कुल संक्रमितको संख्या १९ हजार ६३ पुगेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार थप एक जनाको ज्यान गएको छ । अहिलेसम्म ज्यान गुमाउनेको संख्या ४९ पुगेको छ । त्यस्तै कोरोना जितेर घर फर्किनेको संख्या पनि १३ हजार ८७५ पुगेको छ । मंगलवार मात्रै देशभर १२१ जना डिस्चार्ज भएका छन् ।

मन्त्रालयका अनुसार अहिलेसम्म तीन लाख ५२ हजार ३०७ जनाको पीसीआर परीक्षण गरिएको छ । गएको २४ घण्टामा मात्रै पाँच हजार ३२ जनाको पीसीआर परीक्षण गरिएको थियो ।

प्रकाशित समय १६:४२ बजे