नेपालमा कोरोना संक्रमितको संख्या २२ हजार नाघेको छ । गएको २४ घण्टामा मात्रै ४६४ जनामा संक्रमण देखिएपछि संक्रमितको संख्या २२ हजार २१४ पुगेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार अहिलेसम्म ज्यान गुमाउनेको संख्या ७० पुगेको छ । शुक्रबार मात्रै ५ जनाको ज्यान गएको हो । त्यस्तै डिस्चार्ज हुनेको संख्या पनि १५ हजार आठ सय नाघेको छ । शुक्रबार मात्रै ४२५ जना संक्रमित डिस्चार्ज भएपछि निको हुनेको संख्या १५ हजार ८१४ पुगेको हो ।

शुक्रबार मात्रै सात हजार ९२६ जनाको पीसीआर परीक्षण गरिएको हो । अहिलेसम्म नेपालमा चार लाख २७ हजार ५०१ जनाको पीसीआर परीक्षण गरिएको स्वास्थ्य मन्त्रालयले जनाएको छ । मन्त्रालयका अनुसार शुक्रबार काठमाडौंमा ८८, ललितपुरमा १० र भक्तपुरमा ८ जना गरी उपत्यकामा १०६ जनामा संक्रमण देखिएको छ ।

प्रकाशित समय १६:४३ बजे