विश्वभर कोरोना संक्रमितको संख्या दुई करोड नजिक पुगेको छ । गएको २४ घण्टामा मात्रै दुई लाख ७१ हजारभन्दा बढी व्यक्तिमा संक्रमण देखिएपछि कुल संक्रमितको संख्या एक करोड ९८ लाख चार हजार ४०८ पुगेको हो ।

विश्व स्वास्थ्य संगठनका अनुसार विश्वभर कोरोनाका कारण ज्यान गुमाउनेको संख्या सात लाख ३० हजार पुगेको छ । एकै दिनमा ६ हजार चार सयको ज्यान गएपछि मृत्यु हुनेको संख्या सात लाख २९ हजार ५९१ पुगेको छ । त्यस्तै एक करोड २७ लाख १४ हजार ९९८ जनाको सफल उपचार भएको छ ।

कुल संक्रमितमध्ये ६३ लाख ५१ हजार २६८ जनाको उपचार भइरहेको छ । उपचाररतमध्ये पनि ६५ हजार १४४ जनाको स्वास्थ्य अवस्था चिन्ताजनक रहेको विश्व स्वास्थ्य संगठनले जनाएको छ ।
सबैभन्दा बढी संक्रमित भएको अमेरिकामा एक लाख ६५ हजारभन्दा बढीको ज्यान गएको छ । गएको २४ घण्टामा मात्रै ९७६ जनाको ज्यान गएको थियो । त्यस्तै ५१ लाख ४९ हजार ७२३ जनामा संक्रमण देखिएको छ भने २६ लाख ३८ हजारको सफल उपचार भएको अमेरिकी स्वास्थ्य संस्थाले जनाएको छ ।

ब्राजिलमा कोरोना संक्रमितको संख्या ३० लाख नाघेको छ । गएको २४ घण्टामा मात्रै ४६ हजार ३०५ जनामा संक्रमण देखिएपछि कुल संक्रमितको संख्या ३० लाख १३ हजार ३६९ पुगेको हो । त्यस्तै अहिलेसम्म ज्यान गुमाउनेको संख्या एक लाख नाघेको छ । गएको २४ घण्टामा मात्रै ८४१ जनाको मृत्यु भएपछि ज्यान गुमाउनेको संख्या एक लाख ५४३ पुगेको हो ।

प्रकाशित समय ०९:४८ बजे