विश्वभर कोरोना संक्रमितको संख्या दुई करोड ५० लाख नजिक पुगेको छ । गएको २४ घण्टामा मात्रै दुई लाख ९३ हजारभन्दा बढी व्यक्तिमा कोरोना संक्रमण पुष्टि भएपछि कुल संक्रमितको संख्या दुई लाख ४९ हजार आठ हजार ९७५ पुगेको छ ।

विश्व स्वास्थ्य संगठनका अनुसार अहिलेसम्म आठ लाख ४१ हजार ३३१ जनाको ज्यान गएको छ । त्यस्तै एक करोड ७२ लाख ९८ हजार ४०४ जना संक्रमितको सफल उपचार भएको छ । त्यस्तै ६७ लाख ६९ हजार २४० जनाको उपचार भइरहेको छ भने ६१ हजार १९४ जनाको स्वास्थ्य अवस्था चिन्ताजनक रहेको छ ।

सबैभन्दा बढी संक्रमण फैलिएको अमेरिकामा ६० लाख ९६ हजारभन्दा बढी व्यक्तिमा संक्रमण देखिएको छ । गएको २४ घण्टामा मात्रै ४९ हजार ६०१ जनामा संक्रमण देखिएपछि कुल संक्रमितको संख्या ६० लाख ९६ हजार २३५ पुगेको छ । त्यस्तै एक लाख ८५ हजार ९०१ जनाको ज्यान गएको छ । शुक्रबार मात्रै एक हजार १०५ जनाको ज्यान गएको छ । त्यस्तै ३३ लाख ७५ हजार ८३८ जनाको सफल उपचार भएको छ भने २५ लाख ३४ हजार ४९६ जनाको उपचार भइरहेको छ ।

सबैभन्दा बढी संक्रमण फैलिएको अमेरिकापछिको दोस्रो ठूलो देश ब्राजिलमा कोरोना संक्रमितको संख्या ३८ लाख नाघेको छ । गएको २४ घण्टामा मात्रै ४८ हजार ११२ जनामा संक्रमण देखिएपछि कुल संक्रमितको संख्या ३८ लाख १२ हजार ६०५ पुगेको छ । त्यस्तै एक लाख १९ हजार ५९४ जनाको ज्यान गएको छ । पछिल्लो एकै दिनमा ८६८ जनाको ज्यान गएको विश्व स्वास्थ्य संगठनले जनाएको छ । त्यस्तै २९ लाख ७६ हजार ७९६ जना उपचारपछि डिस्चार्ज भएका छन् भने सात लाख १६ हजार २१५ जनाको उपचार भइरहेको छ ।

छिमेकी मुलुक भारतमा पनि कोरोना संक्रमितको संख्या ३४ लाख ६१ हजारभन्दा बढी व्यक्तिमा संक्रमण भएको छ । गएको २४ घण्टामा मात्रै भारतमा ७६ हजार ६६५ जनामा संक्रमण देखिएको छ । त्यस्तै शुक्रबार मात्रै एक हजार १९ जनाको ज्यान गएको छ । योसँगै भारतमा ज्यान गुमाउनेको संख्या ६२ हजार ७१३ पुगेको छ । त्यस्तै अहिलेसम्म २६ लाख ४७ हजार ५३८ जनाको उपचार भइरहेको छ भने सात लाख ५० हजार ९८९ जनाको उपचार भइरहेको भारतीय स्वास्थ्य विभागले जनाएको छ ।

प्रकाशित समय ०९:२३ बजे