हुम्लाको उच्च हिमाली गाउँपालिकाको नाम्खाले कोभिड १९ को ग्रीन जोनमा हुम्ला परे पनि सुरक्षा अवस्थालाई ध्यानमा राखेर गाउँपालिकाभित्रका १७ विद्यालयहरु बिहीबारबाट बन्द गरेको छ ।

देशभरका विद्यालयहरु बन्द रहेको अवस्था हुम्लाको नाम्खा गाउँपालिकाले आफ्ना गापाभरीका १६ सामुदायिक र एक गुम्बा विद्यालयहरुमा पठनपाठन जारी राखेको थियो । तर, पनि देशभर फैलिएको कोरोना महामारीका कारण नाम्खा गाउँपालिकाले पनि अर्को व्यवस्था नभएसम्मका लागि पठनपाठन बन्द गरेको जानकारी गाउँपालिकाका अध्यक्ष विष्णुबहादुर लामाले दिएका छन् ।

गाउँपालिकाको गाउँ शिक्षा समितिको बैठकले हाल विद्यालयको पठनपाठन बन्द गर्ने निर्णय गरिएको छ । अब यो गाउँपालिकामा पठनपाठन बन्द भएपछि चिसो बढ्दै जाने भएकाले अर्को वर्षमा मात्र पठनपाठन गर्न सकिने भएको छ ।

वर्षेनी केही महिनामात्र पढाई हुने हुम्लाको हिमाली भेगमा यो वर्ष त कोरोनो महामारीले पठनपाठनमा असर पार्दा शिक्षामा झनै असर परेको स्थानीय अविभावकहरुले बताउने गरेका छन् ।

प्रकाशित समय ०७:२३ बजे