विश्वभर तीन करोड ३३ लाख ७ हजार १४९ जनामा कोरोना भाइरस पुगेको छ भने १० लाख दुई हजार ३९९ जनाले ज्यान गुमाएका छन् ।

वितेका २४ घण्टामा थप तीन हजार ८७३ जनाले ज्यान गुमाएका हुन् । त्यस्तै दुई लाख ५१ हजार ९१५ जना संक्रमित थपिएका छन् । विश्व स्वास्थ्य संगठनका अनुसार हाल विश्वभर कोरोना भाइरसबाट निको हुनेको संख्या दुई करोड ४६ लाख ३८ हजार पुगेको छ ।

सबैभन्दा बढी कोरोना फैलिएको राष्ट्र अमेरिकामा दुई लाख ९ हजार ४५३ जनाको मृत्यु भएको छ । अमेरिकामा ७३ लाख २१ हजार ३४३ जना संक्रमित छन् । त्यस्तै दोस्रो भारतमा ९५ हजार ५७४ ले ज्यान गुमाएका छन् भने ६० लाख ७४ हजार ७०२ जना संक्रमित रहेका छन् ।

ब्राजिलमा कोरोना संक्रमितको संख्या ४७ लाख ३२ हजार ३०९ छ । त्यहाँ ज्यान गुमाउनेको संख्या एक लाख ४१ हजार ७७६ रहेको विश्व स्वास्थ्य संगठनले जनाएको छ । विश्वभर सक्रिय संक्रमितको संख्या ७६ लाख ६६ हजार ५९७ पुगेको छ । तीमध्ये ६४ हजार ९९६ जनाको अवस्था गम्भीर रहेको छ ।

प्रकाशित समय १०:३२ बजे