विश्वभर एकैदिन तीन लाख २२ हजार ४६२ कोरोना संक्रमित थपिएका छन् । योसँगै विश्वमा कुल संक्रमितको संख्या तीन करोड ४१ लाख ५६ हजार ५८७ पुगेको छ ।

हाल विश्वमा कोरोना भाइरसबाट १० लाख १८ हजार ७८९ जनाले ज्यान गुमाएका छन् । वितेका २४ घण्टामा मात्रै ६ हजार २०९ जनाको मृत्यु भएको विश्व स्वास्थ्य संगठनले जनाएको छ । त्यस्तै कोरोना भाइरसलाई जितेर दुई करोड ५४ लाख २७ हजार १६० जना घर फर्केका छन् ।

सबैभन्दा बढी कोरोना फैलिएको राष्ट्र अमेरिकामा कोरोनाबाट दुई लाख ११ हजार ७४० जनाले ज्यान गुमाएका छन् भने ७४ लाख ४७ हजार २८२ जना संक्रमित पुगेका छन् । दोस्रो बढी संक्रमित मुलुक भारतमा ६३ लाख १० हजार २६७ संक्रमित रहेका छन् भने ९८ हजार ७०८ जनाले ज्यान गुमाएका छन् ।

ब्राजिलमा एक लाख ४३ हजार ९६२ जनाले कोरोनाबाट ज्यान गुमाएका छन् भने संक्रमित हुनेको संख्या ४८ लाख १३ हजार ५८६ पुगेको छ ।

प्रकाशित समय १०:१२ बजे