विश्वभर कोरोना भाइरसबाट १० लाख ३७ हजारभन्दा बढीको ज्यान गएको छ । गएको २४ घण्टामा मात्रै ४ हजार ७९७ जनाको ज्यान गएपछि मृत्यु हुनेको संख्या १० लाख ३७ हजार ९७४ पुगेको छ ।

हाल विश्वभर कोरोना संक्रमितको संख्या तीन करोड ५१ लाख ३५ हजार ४४ रहको विश्व स्वास्थ्य संगठनले जनाएको छ । त्यस्तै दुई करोड ६१ लाख २६ हजार ७१३ जना डिस्चार्ज भएका छन् । विश्वभर सक्रिय संक्रमितको संख्या ७९ लाख ७० हजार ३५७ छ भने ६६ हजार ९६ जनाको स्वास्थ्य अवस्था गम्भीर रहेको छ ।

सबैभन्दा बढी कोरोना फैलिएको अमेरिकामा दुई लाख १४ हजार २७७ जनाका मृत्यु भएको छ भने ७६ लाख ८४६ जना संक्रमित छन् । त्यस्तै छिमेकी मुलुक भारतमा वितेको २४ घण्टामा ९३७ जनाले ज्यान गुमाएका छन् । योसँगै भारतमा मृत्यु हुनेको संख्या एक लाख १८ हजार १२ पुगेको छ ।

भारतमा हाल ६५ लाख ४९ हजार ३७३ संक्रमित छन् । ब्राजिलमा संक्रमितको संख्या ४९ लाख ६ हजार ८३३ रहेको छ भने त्यहाँ एक लाख ४६ हजार १३ जनाको ज्यान गएको छ ।

प्रकाशित समय १०:३९ बजे