विश्वभर कोरोनाभाइरस संक्रमित हुनेको संख्या चार करोड नाघेको छ । गएको २४ घण्टामा मात्रै करिब तीन लाख ४० हजार जनामा संक्रमण देखिएपछि कुल संक्रमितको संख्या चार करोड दुई लाख ७८ हजार २०७ पुगेको हो ।

विश्व स्वास्थ्य संगठनका अनुसार अहिलेसम्म विश्वभर ११ लाख १८ हजार ३२१ जनाको ज्यान गएको छ भने तीन करोड एक लाख १२ हजार संक्रमित डिस्चार्ज भएका छन् । कुल संक्रमितमध्ये ९० लाखभन्दा बढी सक्रिय संक्रमित रहेको विश्व स्वास्थ्य संगठनले जनाएको छ । सक्रिय संक्रमितमध्ये ७२ हजारको स्वास्थ्य अवस्था भने चिन्ताजनक रहेको संगठनले जनाएको छ ।

सबैभन्दा बढी संक्रमण फैलिएको अमेरिकामा ८३ लाख ८७ हजार जनामा संक्रमण देखिएको छ । गएको २४ घण्टामा मात्रै ४४ हजारभन्दा बढी जनामा संक्रमण भएको थियो । त्यस्तै अहिलेसम्म दु्ई लाख २४ हजार ७३० जनाको ज्यान गएको छ । आइतबार मात्रै अमेरिकामा ४४८ जनाको ज्यान गएको वर्ल्डोमिटरको तथ्यांकले बताउँछ ।

अमेरिकामा अहिलेसम्म ५४ लाख ५७ लाख संक्रमित डिस्चार्ज भएका छन् भने २७ लाखको उपचार भइरहेको छ । दोस्रो बढी संक्रमण फैलिएको भारतमा ७५ लाख ४८ हजार जनामा संक्रमण देखिएको छ ।

गएको २४ घण्टामा मात्रै भारतमा ५५ हजार ५११ जनामा संक्रमण देखिएको थियो । भारतीय स्वास्थ्य विभागका अनुसार अहिलेसम्म एक लाख १४ हजारको ज्यान गएको छ । त्यस्तै ६६ लाख ५९ हजार संक्रमित डिस्चार्ज भएका छना् ।

प्रकाशित समय ०९:५६ बजे