विश्वभर पाँच करोड १२ लाखभन्दा बढी व्यक्तिमा कोरोना संक्रमण देखिएको छ । गएको २४ घण्टामा मात्रै करिब साढे चार लाखभन्दा बढी संक्रमित थपिएपछि कुल संक्रमितको संख्या पाँच करोड १२ लाख ३९ हजार पुगेको हो ।

विश्व स्वास्थ्य संगठनका अनुसार अहिलेसम्म १२ लाख ६९ हजार १२० जनाको ज्यान गएको छ । गएको २४ घण्टामा मात्रै करिब ७ हजार संक्रमितले ज्यान गुमाएका छन् । त्यस्तै तीन करोड ६० लाख ५२ हजार संक्रमितले कोरोना जितेको वर्ल्डोमिटरको तथ्यांकले देखाएको छ । त्यस्तै एक करोड ३९ लाख १८ हजार सक्रिय संक्रमित रहेको विश्व स्वास्थ्य संगठनले जनाएको छ ।

सबैभन्दा बढी संक्रमण फैलिएको अमेरिकामा कोरोना संक्रमितको संख्या एक करोड चार लाख पुगेको छ । त्यस्तै दुई लाख ४४ हजार ४४८ जनाले ज्यान गुमाएका छन् । अमेरिकामा कुल संक्रमितमध्ये ६५ लाख ५२ हजार संक्रमित डिस्चार्ज भएका छन् भने ३६ लाख २४ हजारको उपचार भइरहेको छ ।

भारतमा पनि कोरोना संक्रमितको संख्या ८५ लाख ९१ हजार पुगेको छ भने एक लाख २७ हजार १०४ जनाले ज्यान गुमाएका छन् । भारतीय स्वास्थ्य विभागका अनुसार करिब ८० लाख संक्रमित डिस्चार्ज भएका छन् भने पाँच लाख सक्रिय संक्रमित रहेका छन् ।

प्रकाशित समय ०८:४२ बजे