स्वास्थ्य तथा जनसंख्या मन्त्रालयले माताहतका कर्मचारीको सरुवाको तयारी थालेको छ । मन्त्रालयले केही समय अगाडि सरुवाको लागि कर्मचारीलाई आवेदन फर्म भर्न लगाएको थियो ।

मन्त्रालयमा प्रदेश र माताहतका निकायमा कर्मचारीहरुको सरुवाको सूचि मिलाउने काम उपसचिव बाबुराम खनाल र स्वास्थ्य सचिव डा. पुष्पा चौधरीले गरिरहेका छन् । नयाँ संरचना अनुसार कर्मचारीको सरुवा गर्ने मन्त्रालयको तयारी छ । सोही अनुसार कर्मचारी सरुवाको नयाँ सूचि सचिव डा. चौधरी र सहसचिव खनालले तयार गरिरहेका छन् । नयाँ सूचिअनुसार केही दिनमा नै कर्मचारी सरुवा गर्ने मन्त्रालयको तयारी छ ।

प्रदेश स्वास्थ्य निर्देशनालय र सो अन्तर्गत ३५ स्वास्थ्य कार्यालय रहने व्यवस्था छ । यसअघिका क्षेत्रीय निर्देशनालय, क्षेत्रीय मेडिकल स्टोर, क्षेत्रीय तालिम केन्द्र र उप क्षेत्रीय तालिम केन्द्र खारेज भएका छन् ।

प्रकाशित समय २०:०९ बजे