प्राविधिक ब्रान्ड ओपोले केही समय अगाडि मात्र सार्वजनिक गरेको ह्यान्डसेट ओपो ए१२ ३जीबी नयाँ आकर्षक मूल्यमा उपलब्ध गराएको छ । पहिले १८ हजार ५९० रूपैयाँ मूल्य रहेको उक्त फोनको मूल्य १ हजार घटाएर कम्पनीले १७ हजार ५९० रुपैयाँ तोकेको हो ।

नेपाली बजारमा उक्त फोन कालो र नीलो गरी दुई रङमा उपलब्ध छन् । सन् २०२० को अगस्टमा सार्वजनिक फोनको चौडाइ ८.३ एमएम र वजन जम्मा १६५ ग्राम छ ।

ओपो ए१२ ३जीबीमा ७२०×१५२० पिक्सेल्ससहितको ६.२२ इन्चको डिस्प्ले छ । फोनको पिक्सेल डेन्सिटी २७० पीपीआई छ । आईपीएस प्यानलसहितको यो फोनको एस्पेक्ट रेसियो १९:९ छ । फोनको स्क्रिन टु बडी रेसियो ८९ प्रतिशत छ । फोनको डिस्प्लेमा क्याप्टिभेटिभ, मल्टि-टच, इन-सेल, २.५डी कभ्ड ग्लास स्क्रिन, कोर्निङ गोरिल्ला ग्लास थ्री छ ।

ओपो ए१२ ३जीबीमा डुअल रियर क्यामेरा सेटअप उपलब्ध छ । यसमा १३एमपी क्षमताको प्राइमरी क्यामेरा र सेकेन्डरी क्यामेराका रुपमा २.० एमपी क्षमताको क्यामेरा जडान गरिएको छ । यी क्यामेरामा टच-टू-फोकस, फेज डिटेक्सन एएफ अटोफोकस प्रविधि पनि उपलब्ध छन् । फोनमा रहेको रियर क्यामेरामा डुअल एलईडी फ्ल्यासको प्रयोग गरिएको छ । सेल्फीका लागि फोनमा ५ एमपी क्षमताको फ्रन्ट क्यामेरा जडान गरिएको छ ।

फोनमा ३जीबी र्‍याम र ३२ जीबी आन्तरिक स्टोरेज क्षमता छ । प्रयोगकर्ताले अतिरिक्त स्टोरेज क्षमता आवश्यक परेमा यसमा एक्स्पान्डेबल एक्स्टरनल स्टोरेजको पनि प्रयोग गर्न सक्छन् । फोनमा रियर-माउन्टेड फिंगरप्रिन्ट सेन्सर्स, फेस अनलक फिचर्सलगायत सुविधापनि उपलब्ध छ ।

फोनको प्रयोग गर्दा दिनभर प्रयोगकर्ताले ब्याट्रीको चिन्ता लिन नपरोस् र सहजै दिनभर यसको प्रयोग गर्न सकुन् भन्ने सोचका साथ यसमा ४ हजार २३० एमएएच क्षमताको ब्याट्री जडान गरिएको छ ।

प्रकाशित समय १५:४७ बजे