घरेलु उपकरण उद्योगमा विश्वव्यापी चर्चा कमाएको स्काईवर्थले क्यान इन्फोटेक २०१९ मा नयाँ उत्पादन तथा प्रविधिहरु प्रस्तुत गरेको छ । स्काईवर्थले घरेलु उपकरणको क्षेत्रमा उत्कृष्ट प्रदर्शनको मान्यता पनि प्राप्त गरेको छ ।

स्काईवर्थ हालै सीईएस २०१९ मा चार अवार्डबाट सम्मानित भएको थियो । सीईएस २०१९ मा टिभी एक्सपिरेन्स गोल्ड अवार्डबाट सम्मानित भएको स्काईवर्थको क्यु थ्री सी एआई टिभी पनि क्यान इन्फोटेक २०१९ मा प्रदर्शनमा राखिएको छ । स्काईवर्थले गुगल एसिस्टेन्ट र अमेजन एलेक्सालाई सपोर्ट गर्छ, जुन स्मार्ट होमका नियन्त्रण गर्ने केन्द्रविन्दु बनिरहेको छ । यसमा शक्तिशाली पीक्यू प्रोसेसर जडान भएको छ, जसले गर्दा टिभीको उत्कृष्ट प्रदर्शन गरेर दर्शकलाई अद्भूत अनुभव सिर्जना गर्छ ।

क्यान इन्फोटेक २०१९ मा एआई टिभीबाहेक गुगल एन्ड्रोइड सिरिजको टेलिभिजन पनि प्रदर्शन गरिएको छ । क्यान २०१९ मा स्काईवर्थको अन्य आकर्षणमा स्काईवर्थको मल्टीफङ्सनल टेबल, जसमा इन बियुल्ट फ्रिज र साउन्ड सिस्टर, चेस्ट फ्रिजर र एयर कन्डिस्नर पनि रहेको छ ।

स्काईवर्थले चार वर्षअगाडि लन्च भएयता उपभोक्तामाझ लोकप्रियता कमाइरहेको छ । यो ग्राहकहरुको पहिलो रोजाइ बन्न सफल भएको छ । स्काईवर्थ नेपालमा मात्र नभएर विश्वव्यापी ग्राहकका लागि विश्वसनीय र भरपर्दो उत्पादन भएको जारी विज्ञप्तिमा उल्लेख छ ।

प्रकाशित समय १८:४२ बजे