भेटिकन सिटी– चिलीका चर्चहरूमा बालबालिकामाथि भएको यौन दुराचारको विषयलार्इ लिएर सबै क्रिश्चियन धर्मले राजीनामा दिएका छन् । चिलीका पादरीहरूका प्रवक्ताका अनुसार चर्चमा बालयौन दुराचारका कुराले विश्वभर चर्च र क्रिश्चियन धर्मगुरूबारे नकारात्मक सन्देश फैलिएपछि समाधानका लागि भन्दै चिलीका ३४ धर्मगुरूले पोप फ्रान्सिससमक्ष राजीनामा दिएका हुन् । उनीहरू पोपसँगको तीन दिन लामो छलफलपछि राजीनामा दिन सहमत भएका हुन् । प्रवक्ताद्वारा शुक्रबार जारी गरिएको विज्ञप्तिमा भनिएको छ, “रोममा रहेका हामी सवै धर्मगुरूले धर्मपिता पोपसमक्ष राजिनामा पेश गरेका छौँ । यसबाट उहाँलाई हामीमाथि छानविन गर्न सजिलो हुनेमा हामी पूर्ण विश्वस्त छौँ ।” (रासस)

प्रकाशित समय १२:३३ बजे