कोरोना भाइरसका कारण अमेरिकामा ज्यान गुमाुउनेको संख्या बढ्दै गएको छ । गएको २४ घण्टामा मात्रै त्यहाँ एक हजार १६५ जनाको मृत्यु भएको छ ।

भाइरसका कारण अमेरिकाका विभिन्न राज्यहरुमा गरी तीन लाख ३६ हजार ६७३ जनामा संक्रमण फैलिएको छ । गएको २४ घण्टामै अमेरिकामा २५ हजार ३१६ जनामा नयाँ संक्रमण देखिएको छ । अहिलेसम्म नौ हजार ६१६ जनाको ज्यान गइसकेको छ ।

कोरोना संक्रमण भएपछि सञ्चो भएकाहरुको संख्या १७ हजार ९७७ पुगेकोक छ । अझै आठ हजार ७०२ जनाको अवस्था गम्भीर देखिएको छ ।

प्रकाशित समय ०६:५४ बजे