विश्वभर कोरोना संक्रमितको संख्या एक करोड ९२ लाखभन्दा बढी पुगेको छ । गएको २४ घण्टामा मात्रै दुई लाख ९० हजार कोरोना संक्रमित थपिएपछि कुल संक्रमितको संख्या एक करोड ९२ लाख ५७ हजार ६९५ पुगेको हो ।

विश्व स्वास्थ्य संगठनका अनुसार अहिलेसम्म विश्वभर कोरोनाका कारण ज्यान गुमाउनेको संख्या सात लाख ५७ हजारभन्दा बढी पुगेको छ । वितेको २४ घण्टामा मात्रै विश्वभर साढे सात हजारको ज्यान गएको छ । कुल संक्रमितमध्ये एक करोड २३ लाख ५० हजार ४९१ जनाको सफल उपचार भएको छ ।

त्यस्तै कुल संक्रमितमध्ये २२ लाख ९२ हजार ७०७ जनाको उपचार भइरहेको विश्व स्वास्थ्य संगठनले जनाएको छ । उपचाररतमध्ये पनि ६५ हजार संक्रमितको स्वास्थ्य अवस्था चिन्ताजनक रहेको छ । सबैभन्दा बढी संक्रमण भएको अमेरिकामा कोरोना संक्रमितको संख्या ५० लाख नाघेको छ । गएको २४ घण्टामा मात्रै ५८ हजार ६११ जनामा संक्रमण देखिएपछि कुल संक्रमितको संख्या ५० लाख ३२ हजार १७९ पुगेको हो ।

अहिलेसम्म ज्यान गुमाउनेको संख्या एक लाख ६२ हजार ८०४ जनाको ज्यान गएको छ । बिहीबार मात्रै अमेरिकामा एक हजार २०३ जनाको ज्यान गएको हो । त्यस्तै २५ लाख ७६ हजार ६६८ जनाको सफल उपचार भएको छ भने २२ लाख ९२ हजार ७०७ जनाको उपचार भइरहेको छ । उपचाररतमध्ये पनि १८ हजार २९२ जनाको स्वास्थ्य अवस्था चिन्ताजनक रहेको छ ।

ब्राजिलमा कोरोना संक्रमितको संख्या २९ लाख १७ हजार ५६२ पुगेको छ । एकै दिनमा मात्रै ब्राजिलमा ५४ हजार ८०१ जनामा संक्रमण देखिएको हो । त्यस्तै ज्यान गुमाउनेको संख्या पनि एक लाख नजिक छ । एकै दिनमा एक हजार २२६ जनाको ज्यान गएपछि मृत्यु हुनेको संख्या ९८ हजार ६४४ पुगेको हो ।

प्रकाशित समय १०:१० बजे