प्रहरीले नौ ग्राम ब्राउन सुगरसहित एक साताअघि पक्राउ परेका धनगढीका एक युवकको शुक्रबार राति उपचारका क्रममा मृत्यु भएको छ ।

भारतबाट लागुऔषध खरिद गरी लुकाएर ल्याउँदै गर्दा कैलालीको त्रिनगर प्रहरी चेक पोस्टमा जाँचका क्रममा पक्राउ परेका धनगढी उपमहानगरपालिका– २ का ३७ वर्षीय सञ्जय न्यौपानेको सेती अञ्चल अस्पतालमा उपचारका क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतले जानकारी दिए ।

न्यौपानेले प्लास्टिकमा पोको पारिएको ब्राउन सुगर मलद्वारभित्र लुकाएर राखेको पाइएपछि अस्पताल लगी चिकित्सकको सहयोगमा निकालिएको प्रहरी नायब निरीक्षक बस्नेतले बताए । पक्राउ परेको दिनदेखि नै अस्पतालमा उपचाररत मृतक न्यौपाने लागुऔषध सेवनकर्ता पनि भएको बताइएको छ । (रासस)

प्रकाशित समय १४:४१ बजे