गृहपृष्ठ पाकेट मारेको आरोपमा धनुषामा एक पक्राउ
पाकेट मारेको आरोपमा धनुषामा एक पक्राउ
धनुषामा पाकेटमारी गरेको आरोपमा प्रहरीले एक जनालाई नगदसहित पक्राउ गरेको छ । जनकपुरबाट सिरहा जाने बसमा पकेटमारी गरेको आरोपमा सिरहाको लाहान नगरपालिका ९ बस्ने मोहम्मद राज शेखलाई पक्राउ गरिएको जिल्ला प्रहरी कार्यालय धनुषाले जनाएको छ ।
बसमा सवार धनुषाको क्षिरेश्वरनाथ नगरपालिका रमदैया बस्ने रामवावु यादवको पकेटबाट बसमै सवार राज शेखले पाकेट मारेको थियो । यादवको पकेटमा रहेको नगद एक लाख २० हजार नगद लिएर पिडारीचोकबाट भाग्दै गर्दा जनकपुरको पिडारीचोकका प्रहरीले नियन्त्रणमा लिएका थिए ।
शेखलाई जिल्ला प्रहरी कार्यालय धनुषाले अनुसन्धानका थुनामा राखेको छ भने रकमधनी रामबाबु यादवलाई रकम फिर्ता गरेका धनुषाका प्रहरी नायब उपरीक्षक रामेश्वर कार्कीले जानकारी दिए ।
प्रकाशित समय १७:१७ बजे